Ֆուտբոլի Չեմպիոնների լիգայում սեպտեմբերի 29-ին կայացան E, F, G եւ H խմբերի երկրորդ տուրի հանդիպումները։
E խմբում երկրորդ հաղթանակը տարավ գերմանական «Բավարիան»։ Գերմանիայի չեմպիոնը տանը 5։0 հաշվով հաղթեց Կիեւի «Դինամոյին»։ Մյունխենյան թիմը 6 միավորով գլխավորում է մրցաշարային աղյուսակը։ Այս խմբում երկրորդ պարտությունը կրեց «Բարսելոնան»։ Կատալոնական թիմը 3։0 հաշվով պարտվեց պորտուգալական «Բենֆիկային»։
F խմբում անգլիական «Մանչեսթեր Յունայթեդը» «Օլդ Տրաֆորդում» մրցեց իսպանական «Վիլյառեալի» հետ եւ հաղթեց 2։1 հաշվով։ Ավելացված 5-րդ րոպեին դաշտի տերերի հաղթական գոլը խփեց պորտուգալացի հարձակվող Կրիշտիանու Ռոնալդուն։
G խմբում ավստրիական «ՌԲ Զալցբուրգը» 2։1 հաշվով առավելության հասավ ֆրանսիական «Լիլի» նկատմամբ եւ 4 միավորով առաջինն է։ Գերմանական «Վոլֆսբուրգն» ու իսպանական «Սեւիլիան» խաղացին 1։1 հաշվով իրենց հաշվին ունեն 2-ական միավոր։
H խմբում «Յուվենտուսը» Թուրինում մրցեց Չեմպիոնների լիգայի գավաթակիր, Լոնդոնի «Չելսիի» հետ եւ հաղթեց 1։0։ Իտալական թիմը 6 միավորով առաջատարն է։ «Չելսին» երկրորդն է՝ 3 միավոր։