Ֆուտբոլի Չեմպիոնների լիգայի քառորդ եզրափակիչի առաջին հանդիպումներն անցկացրին Գերմանիայի չեմպիոն Մյունխենի «Բավարիան» ու Ֆրանսիայի չեմպիոն ՊՍԺ-ին, պորտուգալական «Պորտուն» ու Լոնդոնի «Չելսին»։
Մյունխենում տեղի ունեցած դիմակայությունում 3։2 հաշվով հաղթեց փարիզյան ակումբը։ Դուբլի հեղինակ դարձավ ՊՍԺ-ի հարձակվող Կիլիան Մբապեն։ Իր հաշվին գոլ գրանցեց նաեւ բրազիլացի պաշտպան Մարկինյոսը։ «Բավարիայից» գոլեր խփեցին կամերունցի հարձակվող Էրիկ Շուպո-Մոտինգը եւ գերմանացի հարձակվող Թոմաս Մյուլերը։
Օրվա մյուս խաղում պորտուգալական «Պորտուն» տանը մրցեց «Չելսիի» հետ եւ պարտվեց 0։2 հաշվով։ 32-րդ րոպեին մրցակցի դարպասը գրավեց լոնդոնյան թիմի անգլիացի կիսապաշտպան Մեյսոն Մաունթը։ Իսկ 85-րդ րոպեին աչքի ընկավ անգլիացի պաշտպան Բեն Չիլուելը։
Այս թիմերի պատասխան հանդիպումները տեղի կունենան ապրիլի 13-ին։