Բաքուն ու Երևանն սկսել են քննարկել տրանսպորտային հաղորդակցության վերսկսումը, ինչը կարող է շրջադարձային կետ դառնալ տարածաշրջանում իրավիճակի համար։ Այս մասին ԵԱՀԿ գործող նախագահ Անն Լինդեի հետ հանդիպմանն ասել է Ադրբեջանի նախագահ Իլհամ Ալիևը, հայտնում է ՌԻԱ Նովոստին։
Ալիեւը նաեւ ասել է, որ բանակցային գործընթաց են սկսել Հայաստանի հետ հաղորդակցությունների բացման շուրջ։ Դա նոյեմբերի 10-ին ստորագրված հայտարարության մասն է։
«Արդեն մի քանի հանդիպումներ են կայացել տարբեր մակարդակներում։ Դա կարող է շրջադարձային կետ դառնալ պատերազմի էջն ամբողջությամբ փակելու համար։ Հաղորդուղիների բացումը շահավետ կլինի տարածաշրջանի բոլոր երկրների համար, նոր հնարավորություններ կստեղծի, նոր դինամիկա կհաղորդի», – ասել է Ալիևը։