Կառավարության այսօրվա նիտին վարչապետ Նիկոլ Փաշինյանն անդրադարձել է սահմանային իրավիճակին նշելով, որ ցավոք սրտի մենք շարունակում ենք միջադեպեր եւ զոհեր ունենալ սահմանին: Ըստ վարչապետի պետք է ամեն ինչ անենք որպեսզի մեր երկրի շուրջ ձեւավորվի կայուն եւ անվտանգ միջավայր:
«Առաջին խնդիրներից մեկը մեր երկրի պաշտպանունակությունը շարունակաբար բարձրացնելն է: Բայց նաեւ մյուս կողմից ասել եմ, որ մեր հռչակած մեր երկրի եւ մեր տարածաշրջանի զարգացման համար խաղաղ օրակարգ բացելու համար մեզ ամուր նյարդեր են հարկավոր: Շատ շատերը անընդհատ փորձելու են ապացուցել, կամ ցույց տալ, կամ մղել մեզ այն մտքին, որ դա հնարավոր չէ: Մենք հետեւողականորեն շարժվելու ենք այս ճանապարհով եւ պիտի ամեն ինչ անենք որպեսզի մեր երկրի շուրջ ձեւավորվի կայուն եւ անվտանգ միջավայր եւ սա մեր քաղաքական ամենակարեւոր անելիքն է՝ հատկապես 2020 թվականի պատերազմից եւ 2021 թվականի խորհրդարանական ընտրություններից հետո: Եւ մենք այս օրակարգն անդընհատ առաջ ենք տանելու» ասաց վարչապետը: