Կրեմլի մամուլի ծառայությունը տեղեկացնում է, որ Ռուսաստանի Դաշնության նախագահ Վլադիմիր Պուտինը և Թուրքիայի նախագահ Ռեջեբ Էրդողանը հեռախոսազրույցում քննարկել են Լեռնային Ղարաբաղի իրավիճակը:
«Անդրադարձ է կատարվել Լեռնային Ղարաբաղի հակամարտության կարգավորման խնդիրներին, այդ թվում` կրակի և հակամարտության գոտում բոլոր ռազմական գործողությունների դադարեցման վերահսկողության ռուս-թուրքական կենտրոնի գործունեության համատեքստում»,- ասված է Կրեմլի մամուլի ծառայության տարածած հաղորդագրությունում:
