«Պարի Սեն Ժերմենը» սոցցանցերում տեսանյութ է տարածել, որում երևում է, թե ինչպես է արգենտինացի հարձակվող Լիոնել Մեսսին անցկացնում իր առաջին օրը Ֆրանսիայի մայրաքաղաքում:
Տեսանյութում երևում է, թե ինչպես է «Բարսելոնայի» նախկին ֆուտբոլիստի օդանավը վայրէջք կատարում Փարիզում, ինչպես է ֆուտբոլիստը բուժզննում անցնում, ողջունում թիմի երկրպագուներին, հանդիպում ակումբի ղեկավարության հետ և պայմանագիր կնքում:
«ՊՍԺ»-ն արգենտինացու տրանսֆերի մասին հայտարարել է օգոստոսի 10 -ին: Ֆուտբոլիստի հետ պայմանագիրը նախատեսված է երկու տարով՝ ևս մեկ մրցաշրջան երկարաձգելու հնարավորությամբ, և նրա աշխատավարձը կկազմի տարեկան 35 միլիոն եվրո: Նոր ակումբում հարձակվողը հանդես կգա 30 -րդ համարի ներքո: