Ադրբեջանը ուրվագծեց իր հիմնական սկզբունքները և պատրաստակամություն հայտնեց շարունակել բանակցությունները և աշխատել խաղաղ համաձայնագրի վրա՝ հիմնված այդ հիմնարար սկզբունքների վրա։
Այդ մասին երեքշաբթի լրագրողներին հայտնել է Ադրբեջանի արտգործնախարար Ջեյհուն Բայրամովը, հաղորդում է Trend-ը։
Նրա խոսքով, դեռ փետրվարին ադրբեջանական կողմը Հայաստանին ներկայացրել է խաղաղության պայմանագրի հինգ հիմնարար սկզբունքներ, իսկ հայկական կողմը հայտարարել է, որ իր համար այս հիմնարար սկզբունքներում անընդունելի ոչինչ չկա։
«Բայց ամենահետաքրքիրն այն է, որ Հայաստանի ընդունած փաստաթուղթը տեսել են բոլորը։ Նայելով դրան՝ պարզ է դառնում, որ դրանք առաջարկներ կոչվել չեն կարող։ Հայկական կողմի ներկայացրած փաստաթուղթը արձագանք է Ադրբեջանի առաջարկներին։ Ես կարող եմ թվարկել այս վեց կետերից մի քանիսը, և դուք կարող եք նաև եզրակացություն անել, թե որքանով դրանք կարելի է առաջարկություններ անվանել»,- ասել է Բայրամովը։
