ՌԴ ԱԳՆ-ն չի մեկնաբանում, թե ինչպես է խաղաղության պայմանագրով առաջարկվում լուծել ԼՂ կարգավիճակի հարցը:
«Նման զգայուն թեմայի շուրջ բանակցությունները բացառապես գաղտնի են, մենք իրավունք չունենք մեկնաբանել դրանց բովանդակությունը, այդ թվում՝ ԼՂ հիմնախնդրի վերաբերյալ, դա միայն կվնասի գործին»,- Ռիա Նովոստիի հետ հարցազրույցում ասել է ՌԴ փոխարտգործնախարար Միխայիլ Գալուզինը՝ ընդգծելով, որ խաղաղության պայմանագրի քննարկումն իրականացվում է անմիջապես Բաքվի և Երևանի միջև։
«Մոսկվան միայն օգնություն է ցուցաբերում կողմերին, ինչպես արձանագրված է 2022 թվականի հոկտեմբերի 31-ին Սոչիի գագաթնաժողովից հետո Ռուսաստանի, Ադրբեջանի և Հայաստանի ղեկավարների եռակողմ հայտարարության մեջ»,- ասել է դիվանագետը։