Բելառուսի հետ «Դաշնակիցների վճռականություն-2022» համատեղ զորավարժություններից հետո ռուսական զորքերի մի մասը վերադառնում է մշտական տեղակայման վայրեր, ասել է ՊՆ խոսնակ Իգոր Կոնաշենկովը։ Այս մասին հաղորդում է «ՌԻԱ նովոստի»-ն:
«Հարավային և արևմտյան ռազմական օկրուգների ստորաբաժանումները, ավարտելով իրենց առաջադրանքները, արդեն սկսել են բեռնել երկաթուղային և ավտոմոբիլային տրանսպորտ, և այսօր նրանք կսկսեն շարժվել դեպի իրենց ռազմական կայազորները: Առանձին ստորաբաժանումները մարտական շարասյունների կազմում ինքնուրույն կշարժվեն»,- ասել է Կոնաշենկովը: