Ռուսական խաղաղապահ զորախմբի գործունեության մասին տեղեկագրում արձանագրվել է հրադադարի պահպանման ռեժիմի խախտման դեպք։
Նշվում է, որ Ավդուռ գյուղի մերձակայքում ադրբեջանական դիտակետից հրաձգային զինատեսակներից կրակ է բացվել գյուղատնտեսական աշխատանքներ կատարող տրակտորի վրա։ Զոհեր և վիրավորներ չկան։
Ռուսական խաղաղապահ զորախմբի հրամանատարությունը հետաքննում է միջադեպը՝ համագործակցելով ադրբեջանական և հայկական կողմերի ներկայացուցիչների հետ։
