Ռուսաստանը զորավարժություններ է անցկացնում Կենտրոնական Ասիայում և Չինաստանում՝ կապված Աֆղանստանից ամերիկյան զորքերի դուրսբերման ավարտի հետ։
Մինչև օգոստոսի վերջ Աֆղանստանից ԱՄՆ-ի դուրս գալու և թալիբների կողմից երկրի մեծ մասի արագ գրավման ֆոնին, ուրբաթ` հուլիսի 30 -ին, Ռուսաստանը Թուրքմենստանի հետ համատեղ սկսել է զորավարժությունները, որոնք կտևեն մինչև օգոստոսի10-ը։
Ռուսաստանը նաև 10-օրյա զորավարժություններ է սկսել նաեւ Տաջիկստանի և Ուզբեկստանի զինված ուժերի հետ: Զորավարժությունները տեղի են ունենում Աֆղանստանի և Տաջիկստանի սահմանին գտնվող Հարբմայդոն ուսումնական զորավարժարանում: Աֆղանստանի 1303 կիլոմետրանոց սահմանը Տաջիկստանի հետ, ըստ էության, թալիբների ձեռքում է:
Աղքատացած Տաջիկստանում է գտնվում ռուսական խոշոր ռազմակայանը: Ռուսաստանի պաշտպանության նախարար Սերգեյ Շոյգուն մտահոգություն է հայտնել ԱՄՆ-ի զորքերի դուրսբերման ֆոնին Աֆղանստանում ԴԱԻՇ-ի հզորացման կապակցությամբ: Նա հայտարարել է, որ Ռուսաստանն ուժեղացնում է Տաջիկստանում իր զորքերի ռազմական ներուժը և մեծացնում տաջիկական զորքերի պատրաստվածությունը:
Ռուսաստանը նաև COVID-19 համավարակի սկզբից ի վեր առաջին համատեղ զորավարժությունները կանցկացնի Չինաստանի հետ՝ օգոստոսի 9-14-ը:
