Ռուսաստանը ճանաչել է Զապորոժիեի և Խերսոնի մարզերի անկախությունը: Այդ մասին ասված է ՌԴ նախագահ Վլադիմիր Պուտինի հրամանագրում, որը հրապարակվել է իրավական տեղեկատվության պաշտոնական հարթակում:
Որոշումն ընդունվել է «միջազգային իրավունքի ընդհանուր ճանաչված սկզբունքներին և միջազգային նորմերին համապատասխան՝ ճանաչելով և հաստատելով ժողովուրդների իրավահավասարության և ինքնորոշման սկզբունքը», որը ամրագրված է ՄԱԿ-ի կանոնադրությամբ և հաշվի առնելով ժողովրդի կամքի արտահայտումը հանրաքվեի միջոցով»,-նշված է հրամանագրերում։
Հիշեցնենք, որ Դոնեցկի ու Լուգանսկի ինքնահռչակ հանրապետությունների անկախությունը Ռուսաստանի կողմից ճանաչվել էր ընթացիկ տարվա փետրվարին՝ ռուս-ուկրաինական պատերազմի մեկնարկից օրեր առաջ:
