Ռուսաստանի Կրասնոդարի երկրամասի Յեյսկում ինը հարկանի շենքի վրա ռազմական ինքնաթիռի կործանման հետևանքով զոհերի թիվը հասել է 13-ի։ Այս մասին հայտնում են ռուսական պետական լրատվամիջոցները՝ հղում անելով ՌԴ առողջապահության նախարարի օգնական Ալեքսեյ Կուզնեցովին։
ՌԴ ԱԻՆ մամուլի ծառայությունը հայտնել է, որ փրկարարներն ավարտել են փլատակների որոնումները։ Նրանք նշել են, որ փրկարարական գործողության ընթացքում հաջողվել է փրկել մոտ 68 մարդու կյանք, իսկ ավելի քան 360 մարդ ժամանակին տարհանվել է։