Ուկրաինայում ռազմական գործողություները շարունակվում են արդեն 17-րդ օրը: Ռուսական զորքերը շրջափակել են Ուկրաինայի մի քանի խոշոր քաղաքներ: Սումիից տեղեկություններ կան, որ այսօր կվերաբացվեն մի քանի մարդասիրական միջանցքներ՝ քաղաքից խաղաղ բնակչությանը դուրս բերելու համար։ Կիեւի քաղաքապետ Վիտալի Կլիչկոն հայտնել է, որ բնակչության կեսից ավելին մնում է պաշարված քաղաքում:
Միևնույն ժամանակ, Ուկրաինայի Զինված ուժերի գլխավոր հրամանատար Վալերի Զալուժնին հայտարարել է Կիևի մարզում անօդաչու սարքի միջոցով ռուսական ռադիո էլեկտրոնային պայքարի համակարգի ոչնչացման մասին:
Ռուսաստանի պաշտպանության նախարարությունը հրապարակել է ռուսական մարտական ուղղաթիռների կողմից է Ուկրաինայի զինված ուժերի զրահամեքենաների խոցման տեսագրությունը։ Այս մասին ասվում է ռազմական գերատեսչության հաղորդագրության մեջ։ Ռուսաստանի պաշտպանական գերատեսչության տարածած հաղորդագրությունում նշվում է, որ Ռուսաստանի օդատիեզերական ուժերի Կա-52 «Ալիգատոր» հարվածային ուղղաթիռները ոչնչացրել են Ուկրաինայի զինված ուժերի զրահատեխնիկա և մեքենաների շարասյուն:
Դոնեցկի Ժողովրդական Հանրապետության վերահսկողության տակ անցած բնակավայրերի ականազերծման գործընթացը կարող է տևել մի քանի տասնամյակ։ Այս մասին հայտնել են հանրապետության արտակարգ իրավիճակների նախարարությունից։
Ուրբաթ օրը Արտակարգ իրավիճակների նախարարությունը հայտնել է, որ մարտի 2-ից ի վեր Դոնեցկի Ժողովրդական Հանրապետության վերահսկողության տակ հայտնված տարածքների հետազոտության ընթացքում հայտնաբերվել է ավելի քան 1400 պայթուցիկ առարկա։ Ընդհանուր առմամբ, այս ընթացքում ուսումնասիրվ է ավելի քան 60 հեկտար տարածք։
ԱՄՆ իշխանությունները պատժամիջոցներ են սահմանում ՌԴ Պետդումայի 12 պատգամավորների, ինչպես նաև ՌԴ նախագահի մամուլի քարտուղար Դմիտրի Պեսկովի կնոջ և չափահաս երեխաների նկատմամբ։ Այս մասին ուրբաթ օրը կայացած ճեպազրույցում հայտարարել է Պետդեպարտամենտի մամուլի ծառայության ղեկավար Նեդ Փրայսը։
