Ռուսական ներխուժումն Ուկրաինա շարունակվում է արդեն հինգերորդ օրը: Երկրի հյուսիսում, արևելքում և հարավում մարտեր են ընթանում ռուսական բանակի և Ուկրաինայի զինված ուժերի միջև, գիշերը գնդակոծվել են ուկրաինական խոշոր քաղաքները, սակայն երկրի իշխանությունները նշում են, որ ռուսական հարձակումը դադարեցվել է։
Ուկրաինական կողմը հայտնում է ավելի քան երեք հազար ռուս զինծառայողների մահվան մասին, ՌԴ իշխանություններն առաջին անգամ ճանաչել են կորուստները, սակայն թվային տվյալներ չեն հրապարակել: Ուկրաինական կողմի կորուստները հարյուրավոր են, խաղաղ բնակչության շրջանում կան զոհեր։
ԱՄՆ-ը, ԵՄ-ն, Մեծ Բրիտանիան և աշխարհի շատ այլ երկրներ նոր տնտեսական պատժամիջոցներ են սահմանում Մոսկվայի դեմ։ Եվրամիության երկրներն Ուկրաինային կործանիչներ կմատակարարեն. Վլադիմիր Պուտինը հրամայել է Ռուսաստանի միջուկային ուժերին հատուկ պատրաստության վիճակի բերել։