Մենք Սյունիքում բազմաթիվ ճանապարհներ ենք կառուցում: Լրագրողների հետ ճեպազրույցի ժամանակ ասել է ՀՀ տարածքային կառավարման եւ ենթակառուցվածքների նախարար Գնել Սանոսյանը:
«Շարունակելու ենք կառուցել՝ սկսած կարեւոր ռազմավարական ճանապարհներից, սկսած հյուսիս-հարավի Սիսիան-Քաջարան եւ այլ հատվածներից մինչեւ դաշտամիջյան ճանապարհներ: Մենք միայն հաջորդ տարի մինչեւ 500 կմ դաշտամիջյան ճանապարհ ենք պլանավորել կառուցել կամ նախագծել: Բազմաթիվ ծրագրեր կան, որոնց մի մասը նախատեսված չէր, մի մասը նախատեսված էր»
Գնել Սանոսյանը նշել է նաեւ, որ Որոտան, Բարձրավան, Շուռնուխ բոլոր այդ համայնքների ուղղությամբ այս պահին շինարարներն աշխատում են, ճանապարհները բարեկարգում են:
