Al Arabiya հեռուստաալիքը մեջբերելով Եգիպտոսի նախագահ Աբդել Ֆաթթահ աս Սիսի խոսքերը հայտնել է, որ Սուեզի ջրանցքով նավարկությունը, որը մի քանի օր դադարեցվել էր Ever Given չորաբեռնատար նավի ծանծաղուտ ընկնելու պատճառով, վերադարձել է կանոնավոր ռեժիմի: Այս մասին տեղեկացնում է ռուսական ՏԱՍՍ գործակալությունը։
«Սուեզի ջրանցքում նավարկությունը վերադարձել է իր սովորական ռեժիմի»,- նշել է Եգիպտոսի նախագահը։
Աս Սիսին ասել է նաեւ, որ ջրային մայրուղու հետ կապված բոլոր հարցերը կդառնան տեխնիկական մասնագետների կողմից հանգամանալից հետաքննության առարկա: