Ուկրաինայի նախագահ Վլադիմիր Զելենսկին հանտնել է, որ փետրվարի 24-ին Ուկրաինայում զոհվել է 137 զինծառայող, այդ թվում՝ 10 սպա։ Եվս 316-ը վիրավորվել են։
Ուկրաինայի նախագահը նշել է, որ չի լքել մայրաքաղաք Կիևը։ Նա ընդգծել է, որ կինն ու երեխաները նույնպես մնում են Ուկրաինայում։
«Մեր տեղեկություններով՝ հակառակորդը թիվ մեկ թիրախ է նշել ինձ, երկրորդը՝ իմ ընտանիքին։ Նրանք ցանկանում են քաղաքականապես ոչնչացնել Ուկրաինան՝ ոչնչացնելով երկրի ղեկավարին»,- ասել է նա։
Ուկրաինայի նախագահը հայտարարել է նաև, որ իր ունեցած տեղեկություններով Կիև են մտել ռուսական դիվերսիոն խմբեր։