Վազգեն Սարգսյան․ «Մենք վախենում ենք մեր ուժից: Մեզ վարժեցրել են ուրիշի ուժին: Մենք ընտիր-ընտիր հպատակ ենք, մենք խելոք-խելոք կատարող ենք, մենք հայտնագործություն ենք ուրիշի ձեռքի տակ: Հայ մարդ, հիմա ուրիշը դու ես: Քո ուրիշը դու ես: Ու ոչինչ, որ սկզբից, հին սովորույթի, վախի, անվստահության, չգիտեմ էլ ինչի պատճառով դու քո մեջ քեզ թշնամի ես որոնում, գտնում ու ուրախանում, որ մեղավոր կա: Ոչինչ, բայց թող դա արագ անցնի: Դու դրան մի հավատա. դու ճանապարհ ունես, դու տուն ունես, դու որդի ունես: Մի հավատա, թե քո թշնամին քեզնից ուժեղ է: Թշնամուդ ուժեղացնողը քո վախն է, քո ցավն է, քո հիմարությունն է»
Այսօր ռազմական եւ քաղաքական գործիչ Վազգեն Սարգսյանը կդառնար 62 տարեկան։ Նա եղել է Հայաստանի անկախության եւ Արցախի ազատագրման գլխավոր հենասյուներից մեկը։ Այսօր, երբ Վազգենի ու նրա նմանների ստեղծած Հայաստանն ու Արցախը կրկին վիրավոր են ու կոտրված՝ շատերն են հիշում Սպարապետին։ Հայաստանյան այսօրվա աղճատված քաղաքական դաշտում հենց վազգենների կարիքը կա, սակայն ցավոք նրանք չկան։
Շնորհավոր ծնունդդ Սպարապետ
