ՀԱՊԿ գլխավոր քարտուղար Ստանիսլավ Զասը հունվարի 7-ին հեռախոսազրույց է ունեցել Հավաքական անվտանգության խորհրդի նախագահ, Հայաստանի Հանրապետության վարչապետ Նիկոլ Փաշինյանի հետ: Այս մասին հաղորդագրություն է ՀԱՊԿ պաշտոնական կայքը:
ՀԱՊԿ Գլխավոր քարտուղարը Փաշինյանին տեղեկացրել է Հավաքական անվտանգության խորհրդի 2022 թվականի հունվարի 6-ի որոշման մանրամասների մասին՝ ուղղված Ղազախստանի Հանրապետությունում իրավիճակի կարգավորմանը:
Ստանիսլավ Զասը նաև հայտնել է այդ երկիր ՀԱՊԿ Հավաքական խաղաղապահ ուժերի գործուղման կազմակերպչական խնդիրների լուծման գործում առաջընթացի մասին։ Ներկայումս Ռուսաստանի օդատիեզերական ուժերի ռազմատրանսպորտային օդանավերով շարունակվում է խաղաղապահ զորամիավորումների տեղափոխումը։
ՀԱՊԿ Հավաքական խաղաղապահ ուժերի հիմնական խնդիրն է կարևոր պետական և ռազմական օբյեկտների պահպանությունը, աջակցել Ղազախստանի Հանրապետության իրավապահներին՝ իրավիճակը կայունացնելու և այն օրինական դաշտ վերադարձնելու հարցում։