Վերջը որևէ կառույց պաշտոնապես կհաղորդի՞, թե ինչպե՞ս, ի՞նչ արդյունքով ավարտվեցին այսօրվա բանակցությունները: ֆեյսբուքում գրել է«Հենակետ» վերլուծական կենտրոնի ղեկավար Տիգրան Աբրահամյանը։
«Կարևոր մի քանի հարցադրումներ կան, որոնց պատասխանը հանրությունը պետք է իմանա։ Առաջինը, ինչի՞ շուրջ էին բանակցությունները, երկրորդ, ի՞նչ նախապայմաններ է առաջ քաշել Ադրբեջանը, երրորդ, ինչի՞ շուրջ է տեղի ունեցել կոմպրոմիսը, չորրորդ, եթե Ադրբեջանը հետ է քաշում զորքերը, ապա վերջնարդյունքով որտեղ է դիրքավորվելու։
Օրինակ՝ եթե 3.5 կմ առաջ է եկել, ապա որքա՞ն է հետ քաշվելու։ Ի՞նչ լուծում է տրվել Գեղարքունիքի հատվածի երկու տեղամասում՝ Վերին Շորժայի և Կութի։ Արդյո՞ք բանակցությունները միայն այս տեղամասերի վերաբերյալ էին, թե այն քննարկվում էր ավելի մեծ համատեքստում։ Շարունակելի…
Հ.Գ. Հարցադրումները շատ են, իսկ պաշտոնական տեղեկատվության բացակայության, կամ դրա ոչ սպառիչ լինելու պարագայում, գործընթացի շուրջ մտահոգությունները ոչ միայն չեն սպառվելու, այլ նոր հարցեր են առաջ բերելու»։