Վրաստանը արագացված ընթացակարգով Եվրամիությանն անդամակցելու հայտ է ներկայացրել։ Այս մասին տեղեկացնում է «Ազատություն» ռադիոկայանի ռուսական ծառայությունը։
Այն, որ Թբիլիսին, հետևելով Ուկրաինային, դիմելու է ԵՄ թեկնածու երկրի կարգավիճակ ստանալու համար, հայտնի դարձավ մարտի 2-ին։ Իշխող «Վրացական երազանք» կուսակցության ղեկավարը նշել է, որ կառավարությունը ծրագրել է դա անել 2024 թվականին, սակայն որոշել է շտապել՝ «ելնելով քաղաքական կոնտեքստից»։
Այսօր Մոլդովայի Հանրապետության նախագահ Մայա Սանդուն հայտարարել է, որ հրատապ ընթացակարգով դիմում է ներկայացրել Եվրամիությանն անդամակցելու համար։
Ուկրաինան ԵՄ-ին անդամակցելու հայտ է ներկայացրել փետրվարի 28-ին՝ ռուսական ռազմական ներխուժումների և քաղաքների գնդակոծման ֆոնին։ Մարտի 1-ին Բրյուսելը սկսեց քննարկումը։ Պատմության մեջ նման նախադեպեր չեն եղել։ Որպես կանոն, ԵՄ անդամակցության բանակցությունները տևում են երկար տարիներ, երբեմն՝ ավելի քան 10 տարի։