Շրջակա միջավայրի նախարարի տեղակալ Աննա Մազմանյանի և «Արգելոցապարկային համալիր» ՊՈԱԿ-ի տնօրենի պարտականությունները կատարող Արա Հակոբյանի գլխավորությամբ հանդիպում է տեղի ունեցել՝ «Ջրվեժ քաղաքային պարկի» համալիր զարգացման ծրագրի մշակման հայեցակարգի և տարածքի նախագծաէսքիզային փաստաթղթերի կազմման ծառայությունների գնանշման համար նախապես հայտարարված մրցույթի հաղթող ընկերության «Գլոբալ Պրոեկտ» ՍՊԸ-ի ներկայացուցիչների հետ։ Այս մասին տեղեկացնում են Շրջակա միջավայրի նախարարությունից։
Իրականացվել է շրջայց «Ջրվեժ» անտառպարկի տարածքում, որի ընթացքում հաղթող ընկերության ներկայացուցիչները ծանոթացել են տարածքի առանձնահատկություններին, դիտարկել ենթակառուցվածքների կառուցման համար առավել նպատակահարմար վայրերը, քննարկել «Ջրվեժ քաղաքային պարկի» ապագա կառուցվածքն ու ձևավորումը։
Աննա Մազմանյանը հույս է հայտնել, որ մոտ ապագայում քաղաքացիները կունենան ժամանցի համար լավագույն հարմարություններով հագեցած քաղաքային զբոսայգի։