Ռուսաստանի արտաքին գերատեսչությունը հայտնում է, որ ՌԴ արտգործնախարար Սերգեյ Լավրովը Մոսկվայում ընդունել է փախստականների հարցերով ՄԱԿ-ի գերագույն հանձնակատար Ֆիլիպո Գրանդիին։
«Քննարկվել է փախստականների ու ներքին տեղահանվածների վերադարձի հարցը Լեռնային Ղարաբաղ ու դրա հարակից շրջաններ՝ Ռուսաստանի, Ադրբեջանի ու Հայաստանի ղեկավարների՝ 2020 թվականի նոյեմբերի 9-ի՝ հակամարտության գոտում ռազմական գործողությունների դադարեցման վերաբերյալ հայտարարության համաձայն»,- նշված է ՌԴ ԱԳՆ տարածած հաղորդագրության մեջ։
Տեղեկացվում է, նաեւ որ զրույցի ընթացքում կարծիքներ են փոխանակվել փախստականների, ներքին տեղահանվածների ու քաղաքացիություն չունեցող անձանց խնդիրների վերաբերյալ՝ հաշվի առնելով նաև COVID-19-ի համաճարակը։
