Այս պահի դրությամբ, Հայաստանի և Թուրքիայի հատուկ ներկայացուցիչների հանդիպման ժամկետի վերաբերյալ պայմանավորվածություն չկա։ Այս մասին հայտնել է ՀՀ ԱԳՆ մամուլի խոսնակ Վահան Հունանյանը։
Հունանյանը նաեւ տեղեկացրել է, որ քննարկվում է հանդիպումը Մոսկվայում անցկացնելու հնարավորությունը։
Հիշեցնենք, որ Թուրքիայի արտաքին գործերի նախարար Չավուշօղլուն հայտարարել էր, որ իրենք կողմ են Հայաստանի հետ առանց միջնորդների ուղիղ շփումներին: