Հունիսի 27-ին Ֆինանսների նախարար Տիգրան Խաչատրյանն ու ՀՀ էկոնոմիկայի նախարար Վահան Քերոբյանը հանդիպել են գործարարների խմբի հետ, ովքեր բաց նամակով դիմել էին նախարարություններին և Կենտրոնական բանկին՝ մտահոգություն հայտնելով իրենց բիզնեսի վրա դրամի անկանխատեսելի արժևորման բացասական ազդեցության կապակցությամբ։
Տնտեսության զարգացումն ապահովող կարևոր ոլորտների ընկերությունները դժվար կացության մեջ են հայտնվել և ակնկալում են պետության աջակցությունը։
«Լսեցինք բոլորի փաստարկները, քննարկեցինք իրավիճակը և պայմանավորվեցինք առաջիկայում ևս մեկ անգամ հանդիպել՝ ամփոփելու խնդիրները և ձևակերպելու անելիքը»,- տեղեկացնում է ՀՀ էկոնոմիկայի նախարար Վահան Քերոբյանը։