Առաջիկա շաբաթների ընթացքում Ֆրանսիան կհամալրի Ուկրաինայի զինված ուժերի մի քանի գումարտակներ տասնյակի հասնող զրահատեխնիկայով և թեթև տանկերով, այդ թվում՝ AMX-10RC-ով։ Այս մասին ասվում է ուկրաինա-ֆրանսիական համատեղ հռչակագրում, որն ընդունել են երկու երկրների նախագահներ Վլադիմիր Զելենսկին և Էմանուել Մակրոնը՝ մայիսի 14-ին Փարիզում կայացած հանդիպմանը։
Բացի այդ, Փարիզը Կիևին կօգնի ամրապնդել հակաօդային պաշտպանությունը՝ Ուկրաինայի բնակչությանը ռուսական հարվածներից պաշտպանելու համար։