ԱՄՆ Պետդեպը կոչ է արել իր երկրի քաղաքացիներին վերանայել դեպի Հայաստան այցերը։ Պետդեպարտամենտի տարածած հայտարարությունում նշված է, որ նախքան միջազգային ուղևորություններ պլանավորելը՝ ծանոթանալ հաղորդագրությանը։
Ըստ հիվանդությունների վերահսկման և կանխարգելման կենտրոնների՝ Հայաստանը՝ ճանապարհորդների առողջության համար դասվել է երրորդ մակարդակում։ Սա վկայում է երկրում COVID-19-ի բարձր մակարդակի մասին։ Հայտնում են նաև, որ ռիսկերը կարող են նվազել այն դեպքում, երբ քաղաքացիները պատվաստված են հաստատված պատվաստնյութերով։
Պետդեպարտամենտը ԱՄՆ քաղաքացիներին կոչ է անում չուղևորվել նաև Լեռնային Ղարաբաղ՝ պայմանավորված զինված հակամարտությամբ:
«Լեռնային Ղարաբաղի հակամարտությունում շարունակում են կորուստները: Ընդհատված կրակոցները և հրետանային համակարգերի ժամանակ առ ժամանակ օգտագործումը, ներառյալ ցամաքային ականներն ու ականանետերը, ամեն տարի մահվան և վիրավրումների պատճառ են դառնում: Խուսափեք Հայաստանի և Ադրբեջանի միջև «շփման գծի» և մոտակայքում գտնվող ճանապարհներից»,- ասված է հաղորդագրությունում։
Պետդեպը նաեւ հիշեցնում է, որ ԱՄՆ կառավարությունը չի կարող արտակարգ ծառայություններ մատուցել Լեռնային Ղարաբաղում գտնվող իրենց քաղաքացիներին, քանի որ ԱՄՆ պետական ծառայողները սահմանափակ կարողություններ ունեն՝ մեկնելու անտեղ։