Լևոն Արոնյանը դուրս է մնացել Meltwater Champions Chess Tour-ի արագ շախմատի Magnus Carlsen Invitational մրցաշարի փլեյ-օֆֆից:
Առցանց մրցաշարի քառորդ եզրափակչի խաղային երկրորդ օրը Արոնյանը զիջել է աշխարհի գործող չեմպիոն Մագնուս Կարլսենին` 1:2 հաշվով:
Նախօրեին էլ արագ շախմատի առաջին երկու պարտիաներում հաղթել էր Կարլսենը, իսկ երրորդ պարտիան ավարտվել էր ոչ-ոքի:
Meltwater Champions Chess Tour-ի արագ շախմատի Magnus Carlsen Invitational պայքարը շարունակում են Մագնուս Կարլսենը, Յան Նեպոմնյաշչին, Ուեսլի Սոն և Անիշ Գիրին:
Մրցաշարի մրցանակային ֆոնդը կազմում է 220 հազար ԱՄՆ դոլար:
Լեւոն Արոնյանը դեռևս հանդես է գալիս Հայաստանի դրոշի ներքո:
Հիշեցնենք, որ շախմատիստ Լևոն Արոնյանը հայտարարել էր, որ հեռանում է Հայաստանից եւ միանալու է ԱՄՆ հավաքականին:
