«Մենք ողջունում ենք Օլաֆ Շոլցի հայտարարությունը, որում նշվում է, որ հակամարտությունը պետք է կարգավորվի խաղաղ ճանապարհով՝ տարածքային ամբողջականության և Լեռնային Ղարաբաղի ժողովրդի ինքնորոշման իրավունքի հավասար սկզբունքների հիման վրա։ Կարգավորումն անհնար է առանց լիովին հաշվի առնելու մեր հիմնարար/կոլեկտիվ իրավունքները»,- գրել է Արցախի նախագահն իր թվիթերյան միկրոբլոգում:
Հիշեցնենք, որ նախօրեին ՀՀ վարչապետի հետ ասուլիսի ընթացքում Գերմանիայի կանցլեր Օլաֆ Շոլցը հայտարարել էր, որ Արցախի հարցը պետք է լուծվի Հայաստանի, Ադրբեջանի տարածքային ամբողջականության, ինչպես նաև Լեռնային Ղարաբաղի ժողովրդի ինքնորոշման իրավունքի սկզբունքի հիման վրա: Կանցլերը նշել էր, որ Գերմանիայի համար այդ երկու սկզբունքները հավասարազոր են:
We welcome @OlafScholz’s statement that the conflict should be settled peacefully on the basis of equal principles of ter integrity & right to self-determination of the Nagorno-Karabakh people.
— Arayik Harutyunyan | Artsakh President (@Pres_Artsakh) March 3, 2023
Settlement is impossible without fully considering our fundamental/collective rights.
