Մոսկվայում մեկնարկել է Ռուսաստանի, Թուրքիայի, Իրանի և Սիրիայի արտգործնախարարների հանդիպումը։
Անկարայի և Դամասկոսի հարաբերությունների կարգավորման գործընթացը սկսվել է 2022թ. դեկտեմբերի 28-ին՝ Մոսկվայում, երբ խորհրդակցություններ են անցկացվել Ռուսաստանի, Սիրիայի և Թուրքիայի ռազմական գերատեսչությունների ղեկավարների միջև։ Հանդիպմանը պայմանավորվածություն է ձեռք բերվել համատեղ եռակողմ հանձնաժողով ստեղծելու մասին։ Այս խորհրդակցություններից հետո նախատեսվում էր հանդիպում անցկացնել ԱԳ նախարարների մակարդակով՝ բանակցություններ նախապատրաստելու Թուրքիայի և Սիրիայի նախագահներ Թայիփ Էրդողանի և Բաշար ալ-Ասադի միջև։ Ավելի ուշ հաղորդվել է, որ Իրանը կմասնակցի դիվանագիտական գերատեսչությունների ղեկավարների մակարդակով խորհրդակցություններին։
