Հայաստանի ազգային հավաքականի նախկին ավագ Հենրիխ Մխիթարյանը հավակնում է դառնալ Չեմպիոնների լիգայի շաբաթվա լավագույն ֆուտբոլիստ և լավագույն գոլի հեղինակ։ Այս մասին տեղեկացնում է ՈւԵՖԱ-ի մամուլի ծառայությունը:
Իտալիայի փոխչեմպիոն «Ինտերի» 34-ամյա կիսապաշտպանը գոլի հեղինակ էր դարձել իտալական «Միլանի» դեմ ՉԼ կիսաեզրափակիչի առաջին խաղում: Մխիթարյանը ճանաչվել էր խաղի լավագույն ֆուտբոլիստ:
Շաբաթվա լավագույն ֆուտբոլիստի կոչմանը հավակնում են նաև Մադրիդի «Ռեալի» բրազիլացի եզրային հարձակվող Վինիսիուսը, «Ինտերի» իտալացի կիսապաշտպան Նիկոլո Բարելան և Անգլիայի չեմպիոն «Մանչեսթեր Սիթիի» բելգիացի կիսապաշտպան Կևին Դե Բրույնեն:
Բացի Մխիթարյանից, շաբաթվա լավագույն գոլի հեղինակի կոչմանը հավակնում են նաև Վինիսիուսը, Դե Բրույնեն և «Ինտերի» բոսնիացի հարձակվող Էդին Ջեկոն:
