«ՍԱ – ՆՐԱՆԻՑ – ՀԻՆ» խորագրով ցուցահանդես` Ազգային պատկերասրահում

Առաջին անգամ Հայաստանում արվեստասերները հնարավորություն ունեն տեսնելու ջրանկարի խոշորագույն վարպետ, ճարտարապետական բնանկարի հիմնադիր Արշակ Ֆեթվաճյանի ստեղծագործությունները։

Ֆեթվաճյանի շուրջ 20 մատիտանկար աշխատանքները առաջիկա 10 օրերի ընթացքում կցուցադրվեն Ազգային պատկերասրահում։ «ՍԱ – ՆՐԱՆԻՑ – ՀԻՆ» խորագրով ցուցահանդեսում տեղ գտած նկարներում հիմնականում պատկերված են Յունեսկոյի համաշխարհային ժառանգության ցանկում ընդգրկված միջնադարյան վանական համալիրները՝ Հաղպատն ու Սանահինը:

Ցուցահանդեսում ներկայացված են նկարչի՝ Արևմտյան և Արևելյան Հայաստանում 1900-1919 թթ. շրջագայությունների ընթացքում բացառիկ ճշգրտությամբ ստեղծված՝ հայկական եկեղեցիների ու տաճարների ճարտարապետական մանրամասների և զարդաքանդակների անկրկնելի մատիտանկար-վավերագրերը:

Դեռևս 1920-1922 թթ. Լուվրի Դեկորատիվ արվեստների և Լոնդոնի հանրահայտ Վիկտորիա և Ալբերտ թանգարաններում, Բրիտանական ճարտարապետների արքայական ակադեմիայի ինստիտուտում ցուցադրված գծանկարները Հայաստանում ցուցադրվում են առաջին անգամ:

Մատիտանկարները ներկայացնում են վանական հայտնի համալիրների սյուներն ու խոյակները, զարդագոտիներն ու որմնազարդերը, վարդակներն ու լուսամուտները: Ցուցահանդեսում ներկայացված են նաև Հ. Շամշինյանի, Ե. Թադևոսյանի, Փ. Թերլեմեզյանի գեղանկարչական աշխատանքները և Ռ. Բեդրոսովի, Վ. Այվազյանի, Հ. Ալխազյանի գրաֆիկական թերթերը։

«Ժամանակի ընթացքում Ֆեթվաճյանի արձանագրած կոթողներն ավերվել են, և կարելի է համարել, որ մատիտանկարները բացառիկ պատմավավերագրական նյութ են ուսումնասիրողների համար», ասաց Ազգային պատկերասրահի տնօրեն Մարինա Հակոբյանը:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Չի կարելի այսքան անընկալելի լինել Սյունիքի հարցում. Ռուբեն Մելքոնյան (տեսանյութ)

Հաջորդը

Պայթյուն Երեւանում

Առնչվող նյութեր
Դիտել

Վաղարշակ Հարությունյանն այցելել է Էրեբունի օդանավակայան

Պաշտպանության նախարրաությունը տեղեկացնում է, որ հունիսի 29-ին ՀՀ պաշտպանության նախարարի պաշտոնակատար Վաղարշակ Հարությունյանն այցելել է Էրեբունի օդանավակայան, որտեղ…
Դիտել

Տեղի է ունեցել ՀՀ ԱԳ նախարարի և ԱՄՆ նախագահի կարճ զրույցը

Սեպտեմբերի 21-ին ՀՀ ԱԳ նախարար Արարատ Միրզոյանը Նյու Յորքում մասնակցել է ՄԱԿ-ի Գլխավոր ասամբլեայի 77-րդ նստաշրջանին մասնակցող երկրների…
Դիտել

ՌԴ ռազմական ոստիկանությունը պարեկություն է իրականացնում Լաչինի միջանցքում

Ռուսաստանի խաղաղապահները շարունակում են վերահսկել հրադադարի ռեժիմի պահպանումը և ապահովել տրանսպորտային միջոցների անվտանգ տեղաշարժն Արցախում, նաև Լաչինի միջանցքի…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share