Արցախի մասին պատմող «Սև Բախ Արցախ» ֆիլմը կմնա Բեռլինի միջազգային կինոփառատոնումի ծրագրում. Ադրբեջանում այն անվանում են քարոզչություն ընդդեմ իրենց երկրի: Այս մասին հայտնում է Focus.ua-ն հղում անելով ադրբեջանական ԶԼՄ-ներին:
«Մենք հասկանում ենք, որ «Սև Բախ Արցախ» ֆիլմը մեր փառատոնում անդրադառնում է Ադրբեջանի և Հայաստանի հակամարտության մի շարք խնդիրների և զգայուն հիշողությունների… Չնայած դրան, ֆիլմը կմնա մեր ծրագրում, քանի որ ֆիլմարտադրողներին թույլ չտալ խոսելն առաջ գնալու ճանապարհ չէ», – ասել են կինոփառատոնի կազմակերպիչները:
Ֆիլմի նկարագրության մեջ նշվում է, որ դրա ստեղծողներ Այրին Անաստասը և Ռենե Գաբրին աշխատում են ժամանակի տարբեր շերտերով, որպեսզի գնահատվի ժամանակի ազդեցությունը մարդու ընկալման վրա և անցյալի կադրերը վերագնահատելու հնարավորություն ընձեռնվի: Ֆիլմում օգտագործվում են Յոհան Սեբաստիան Բախի ստեղծագործությունները՝ փորձարկելով ժապավենի հնչողության ձայնը:
Ֆիլմի գործողությունները բաժանված են 13 գործողությունների, որոնցում բարձրացվում է ինքնության, պատկանելիության հարցը: Բոլոր ակտերը միահյուսված են՝ ցուցադրելով տարածքի լանդշաֆտները:
