ՀՀ էկոնոմիկայի նախարար Վահան Քերոբյանը մարտի 15-ին այցելել է «Cisco Internetworking» ընկերության հայաստանյան մասնաճյուղ, որը նախագծում, արտադրում և վաճառում է ինտերնետ պրոտոկոլի վրա հիմնված ցանցեր, կապի և ՏՏ ոլորտին առնչվող այլ պրոդուկտներ։
Նախարարն ընկերության գործադիր տնօրեն Մերի Բեգլարյանի և Ինժեներ-տնօրեն Արսեն Մանուկյանի ուղեկցությամբ շրջել է ընկերության տարածքով։ Ծանոթացել՝ ընկերության գործունեությանը, առաջիկա ծրագրերին և առկա խնդիրներին:
Վահան Քերոբյանը ներկայացրել է տնտեսավարողներին աջակցելու նպատակով պետության կողմից իրականացվող տնտեսության արդիականացման միջոցառումը, որի միջոցով կարող են ընդլայնել ընկերության հնարավորությունները և ներգրավել բարձր որակավորում ունեցող մասնագետների։
