Ադրբեջանն Արցախի ղեկավարների մասով ցուցաբերում էր ընտրովի մոտեցում․ Շահրամանյան

Արցախի նախագահ Սամվել Շահրամանյանը տեղեկացրել է, որ սեպտեմբերի 19-ի երեկոյան Հայկ Խանումյանը զանգահարել է իրեն և հայտարարել, որ Սամվել Բաբայանը պատրաստ է վերցնել իշխանությունը, կանգնեցնել ռազմական գործողությունները և գնալ բանակցությունների։

«Ասել եմ՝ դեմ չեմ, թող ներկայացնի իր տեսլականը, և եթե ընդունելի լինի, կգնամ այդ քայլին։ Ասաց՝ ոչ։ Կապ եմ հաստատել ադրբեջանական կողմի՝ մեզ հետ աշխատող պատասխանատուի հետ և իրենից ճշտել՝ կա՞ արդյոք Արցախում թեկնածու, ում հետ պատրաստ են վարել բանակցություններ։ Արցախում կային քննարկումներ, որ Սամվել Բաբայանը կամ Վիտալի Բալասանյանը կարող են ավելի ընդունելի թեկնածուներ լինեն։ Ադրբեջանական կողմից ստացել եմ բացասական պատասխան»,- նշել է նա։ 

Շահրամանյանի խոսքով՝ Սամվել Բաբայանին պատահական հանդիպել է և առաջարկել է ներկայացնել, թե ի՞նչ փաստաթուղթ է քննարկում Ադրբեջանի հետ։ Ասել է՝ 23 կետանոց փաստաթուղթ է։

«Այդ փաստաթուղթն այդպես էլ չեմ տեսել, չգիտեմ այնտեղ ինչ է նշված։ Համացանցում՝ իր կողմից հրապարակված տեղեկություններից եմ իմացել, որ բանակցում էր Արցախի ինքնավարության համար։ Ո՞ւմ հետ է քննարկել այդ փաստաթուղթը, ո՞վ է իրեն լիազորել Արցախի անունից բանակցել Ադրբեջանի հետ։ Սամվել Բաբայանի ասելով՝ Արայիկ Հարությունյանը։ Եթե Հարությունյանը տեղյակ է եղել, պիտի քննարկվեր նաև ՀՀ ղեկավարության հետ»,- նշել է նա։

Անդրադառնալով Ադրբեջանում ձերբակալված Արցախի ներկա և նախկին ղեկավարներին՝ Շահրամանյանը նշել է, որ ադրբեջանական կողմն Արցախի ղեկավարների մասով ցուցաբերում էր ընտրովի մոտեցում։

«Կարող եմ եզրակացնել, որ այդ մարդիկ ձերբակալվել և տեղափոխվել են Բաքու քաղաքական նպատակներով։ Ես, Պաշտպանության նախարարը և իմ անվտանգության 2 աշխատակից ՀՀ ենք եկել ուղղաթիռով»,- նշել է նա։

Խոսելով առաջիկա ծրագրերի մասին՝ Արցախի նախագահը նշել է, որ հաջորդ քայլը պետք է լինի Արցախից տեղահանված ժողովրդի հետվերադարձն ամրագրելու հարցով զբաղվելը։ «Դա մեր օրակարգային հարցերից մեկն է։ Վերադարձի հարցում շահագրգռված են տարբեր՝ ամերիկյան, եվրոպական, ռուսական քաղաքական կենտրոններ, նաև Ադրբեջանը»։

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Պայթյունը տեղի է ունեցել ՊՆ անձեռնմխելի պահեստում՝ անվտանգության կանոնների խախտման հետևանքով․ Շահրամանյան

Հաջորդը

Ռազմական գործողություններն սկսվելուց հետո հասկացել եմ, որ մենակ ենք, ռուսական կողմը գտնվում էր դիտորդի կարգավիճակում. Շահրամանյան

Առնչվող նյութեր
Դիտել

Էկոնոմիկայի նախարարը հանդիպել է ԵՄ պատժամիջոցների կիրարկման հարցերով միջազգային հատուկ բանագնացին

ՀՀ էկոնոմիկայի նախարար Վահան Քերոբյանը մայիսի 25-ին ընդունել է ԵՄ պատժամիջոցների կիրարկման հարցերով միջազգային հատուկ բանագնաց Դեյվիդ Օ՛Սալիվանի…
Դիտել

Մեկնարկել է Ալիևի հանդիպումը Շառլ Միշելի հետ

Բրյուսելում մեկնարկել է Ադրբեջանի նախագահ Իլհամ Ալիևի ոչ պաշտոնական համդիպումը Եվրոպական խորհրդի նախագահ Շառլ Միշելի հետ։ Այս մասին…
Դիտել

Ադրբեջանը ստում է, ՀՀ քաղաքացիներն ապօրինի անցակետով չեն տեղաշարժվում. Արցախի պետնախարար

ՀՀ քաղաքացիները ապօրինի անցակետով անարգել չեն տեղաշարժվել: Այս մասին հայտարարել է ԼՂ պետնախարար Գուրգեն Ներսիսյանը: «Երբ Լաչինի միջանցքով…
Դիտել

Հեռուստալրագրող Արմինե Ճաղարյանի մահվան դեպքով մեղադրանք է ներկայացվել ռաֆտինգ կազմակերպած ընկերության տնօրենին

Շարունակվում է Դեբեդ գետում լրագրող Արմինե Ճաղարյանի մահվան դեպքի առթիվ նախաձեռնված քրեական վարույթի նախաքննությունը: ՀՀ քննչական կոմիտեի Լոռու…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share