ԱՄԷ նախագահը և ՀՀ ԱԳ նախարարն անդրադարձել են տարբեր բնագավառներում փոխշահավետ գործակցության զարգացման հնարավորություններին

Սեպտեմբերի 7-ին Արաբական Միացյալ Էմիրությունների նախագահ Մոհամմեդ բին Զայեդ Ալ Նահյանն ընդունել է պաշտոնական այցով Աբու Դաբիում գտնվող ՀՀ ԱԳ նախարար Արարատ Միրզոյանին:

Հանդիպման ընթացքում զրուցակիցները քննարկել են երկու բարեկամ երկրների միջև քաղաքական երկխոսության ընդլայնմանն առնչվող հարցեր՝ այս համատեքստում կարևորելով բարձրաստիճան փոխայցելությունների իրականացումն ու միջազգային հարթակներում արդյունավետ փոխգործակցութունը: 

ԱՄԷ նախագահը և ՀՀ ԱԳ նախարարն անդրադարձ են կատարել տարբեր բնագավառներում փոխշահավետ գործակցության զարգացման հնարավորություններին, մտքեր փոխանակել նոր հեռանկարային ուղղություններով համատեղ ծրագրերի կյանքի կոչման շուրջ: Երկուստեք գոհունակություն է արտահայտվել երկու երկրների միջև առևտրատնտեսական կապերի աշխուժացման կապակցությամբ՝ ընդգծելով Հայաստանի և ԱՄԷ միջև առկա զգալի ներուժն առավել արդյունավետ օգտագործելու անհրաժեշտությունը: Նախարար Միրզոյանն ընդգծել է, որ Հայաստանում էմիրաթական ընկերությունների համար ստեղծված է անհրաժեշտ բարենպաստ գործարար միջավայր։ 

Հանդիպման օրակարգի առանցքային հարցերից են  եղել նաև տարածաշրջանային վերջին զարգացումները:

Անդրադառնալով Հարավային Կովկասում առկա անվտանգային իրավիճակին՝ Արարատ Միրզոյանը նշել է, որ Ադրբեջանն իր առավելապաշտական նկրտումներով և ագրեսիվ գործողություններով խոչընդոտում է տարածաշրջանում տևական խաղաղություն հաստատելու ջանքերին: 

Նախարար Միրզոյանն ԱՄԷ նախագահին է ներկայացրել շուրջ 9 ամիս տևող Լեռնային Ղարաբաղի շրջափակման հետևանքով ԼՂ 120 հազար բնակչության և հատկապես խոցելի խմբերի առջև ծառացած բարդ հումանիտար մարտահրավերները՝ շեշտելով, որ ի հեճուկս Արդարադատության միջազգային դատարանի երկու որոշումների և միջազգային բազմաթիվ գործընկերների հասցեական կոչերի, Ադրբեջանը շարունակում է փակ պահել Լաչինի միջանցքը:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Տեղի է ունեցել քննարկում «Առողջության համապարփակ ապահովագրության ներդրման հայեցակարգով» նախատեսված միջոցառումների շրջանակում գների հաշվարկման ձևաչափերի վերաբերյալ

Հաջորդը

Արցախից 10 բուժառու տեղափոխվել է Հայաստան

Առնչվող նյութեր
Դիտել

Ռուսաստանը Վրաստանի քաղաքացիների համար չեղարկել է այցագրային ռեժիմը

Ռուսաստանի նախագահ Վլադիմիր Պուտինը հանել է ռուսական ավիաընկերությունների համար դեպի Վրաստան թռիչքների արգելքը։ Համապատասխան հրամանագիրը հրապարակվել է իրավական…
Դիտել

Այսօր նախատեսված է Փաշինյանի հանդիպումը Էմանուել Մակրոնի հետ

Վարչապետ Նիկոլ Փաշինյանը տիկնոջ՝ Աննա Հակոբյանի հետ աշխատանքային այցով մեկնել է Ֆրանսիայի Հանրապետություն: Այսօր նախատեսված է վարչապետ Փաշինյանի…
Դիտել

«Ադրբեջանի և Հայաստանի միջև խաղաղության պայմանագիրն անխուսափելի է». Ալիև

Աշխատանքային այցով Լիտվայում գտնվող Ադրբեջանի նախագահ Իլհամ Ալիևը նախագահ Գիտանաս Նաուսեդայի հետ համատեղ ասուլիսի ժամանակ հայտարարել է որ…
Դիտել

Սպասվում են տեղումներ եւ օդի ջերմաստիճանի բարձրացում

Արտակարգ իրավիճակների նախարարության տեղեկատվության և հասարակայնության հետ կապերի վարչությունից տեղեկացնում են, որ Հայաստանի տարածքում մարտի 21-ի ցերեկը, 22-ին…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share