Քիչ առաջ Երևանում ծեծկռտուք է տեղի ունեցել ԼՂ ներկայացուցչության մոտ բողոքի ակցիա իրականացնող արցախցիների ու ԼՂ նախագահ Սամվել Շահրամանյանի աշխատակազմի ղեվարար Կարեն Շահրամանյանի միջև։
Ակցիայի մասնակիցները քշքշել են Կարեն Շահրամանյանին, պատռել նրա պիջակը։ Ոստիկանները մեծ դժվարությամբ կարողացել են Շահրամանյանին ազատել ցուցարարների ձեռքից և մի կողմ տանել:
Մեծաթիվ ոստիկաններ են ժամանել դեպքի վայր։ Այս պահին իրավիճակը հանդարտվել է։
Նշենք, որ Կարեն Շահրամանյանը երկար տարիներ աշխատել է ԼՂ պետական համակարգում, 10 տարի եղել է քաղաքաշինության նախարարը, ապա ղեկավարել է ԼՂ Կադաստրի և պետական գույքի կառավարման կոմիտեն։ 2021 թվականից նշանակվել է ԼՂ նախագահի աշխատակազմի ղեկավար։