Աշխարհի ամենամեծ զբոսանավը՝ Icon of the Seas-ը, առաջին անգամ պաշտոնապես նավարկել է օվկիանոսի կապույտը՝ նախապատրաստվելով 2024 թվականին սպասվող դեբյուտին:
Եվրոպական ծովային փորձարկումների առաջին փուլն ավարտելուց հետո՝ Royal Caribbean-ի նորագույն և ամենամեծ իզբոսանավը մեկ քայլով մոտեցել է 2024 թվականի հունվարի 27-ին կայանալիք իր առաջին ճանապարհորդությանը:
Փորձնական նավարկությունից հետո նավը վերադարձել է Ֆինլանդիայի Meyer Turku նավաշինարան, որտեղ ավելի քան 450 մասնագետներ հիմնական շարժիչների և այլ տեխնիկական մասերի փորձարկումներ են անցկացնում՝ նախապատրաստվելով երկրորդ ծովային փորձարկումներին, որոնք նախատեսված են այս տարի։
«Royal Caribbean International»-ի «Icon of the Seas»-ը 365 մետր երկարություն ունեցող հսկա է և կշռում է 250,8 հազար տոննա: Այն կկարողանա տեղավորել 5610 ուղևորի և անձնակազմի 2350 անդամի:
Զբոսանավը կունենա 6 ջրային սլայդ։ Հյուրերը կարող են օգտվել նավի 7 լողավազանից և 9 խաղահարթակներից:
