Գյումրիի երթուղային ցանցը համալրվել է 8 նոր միկրոավտոբուսով

8 նոր միկրոավտոբուս՝ քաղաքի երթուղային ցանցի համալրման համար։ Ձեռք բերված նոր միկրոավտոբուսներն այսօր՝ փետրվարի 20-ին, Գյումրիում էին:

ՀՀ կառավարության հետ համատեղ սուբվենցիոն ծրագրի շրջանակներում 2024թ.-ին նախատեսվում է ձեռք բերել 30 միկրոավտոբուս՝ քաղաքի երթուղային ցանցի լիարժեք թարմացման համար: 30 միկրոավտոբուսի ձեռքբերման սուբվենցիոն հայտն ուղարվել է կառավարության հաստատման: Առայժմ ձեռք է բերվել 8 հատ՝ հրատապության հիմքով, քաղաքի 3 երթուղիներ սպասարկող «Նյու Սիթի Տրանս» ՍՊԸ-ն երկուսի սպասարկումից հրաժարվել է:

Գյումրի համայնքի ղեկավար Վարդգես Սամսոնյանը լրագրողների հետ զրույցի ընթացքում ընդգծել է.«Այս 8 միկրոավտոբուսներով կսպասարկենք 14 և 18 համարի երթուղիները: Մեկ միկրոավտոբուսի ձեռքբերման նախահաշվային արժեքը՝ 18 076 666մլն դրամ է, հաղթած գինը՝ 14 900 000 մլն: Հուսով ենք, կկարողանանք նաև 22 համարի երթուղու բացը փակել և քաղաքը սպասարկող 8 երթուղիները, թարմացված միկրոավտոբուսներով, սպասարկենք ՓԲԸ-ի միջոցով: Իմ հանձնարարությամբ միկրոավտոբուսներում կլինեն և՛ ավտոբուս ՓԲԸ-ի, և՛ համայնքապետարանի թեժ գծի հեռախոսահամարները, որպեսզի բնակիչները կարողանան իրենց առաջարկներն ու բողոքները ներկայացնեն: Ավտոբուս ՓԲԸ-ն արդեն երկու անգամ գումարներ է փոխանցել համայնքի բյուջե, այդ գումարները կհավաքվեն և կծառայեցվեն ՓԲԸ-ի պարկի թարմանցման, կարիքների համար»:

Համայնքի ղեկավարն իր խոսքում անդրադարձել է նաև «Դաշինք՝ հանուն կայուն և կանաչ կառավարման» ծրագրի շրջանակում ձեռք բերվելիք 5 էլեկտրական ավտոբուսներին, դրանց շահագործմանը և մի շարք այլ հարցերի:

Նոր միկրոավտոբուսների շահագործման, երթուղիների սպասարկման, առկա խնդիրների, դրանց ուղղությամբ տարվող աշխատանքների մասին լրագրողների հետ խոսել է նաև «Գյումրի ավտոբուս» ՓԲԸ-ի տնօրեն ժ/պ Ռոբերտ Անդրիասյանը, ընդգծել, որ անում են ամեն բան՝ բնակիչներին որակյալ սպասարկում ապահովելու համար:

Գյումրու համայնքապետարանը 2021 թ.-ի սուբվենցիոն ծրագրի շրջանակներում ձեռք էր բերել 63 նոր միկրոավտոբուս, մասնակի թարմացրել երթուղային ցանցը:

Ձեռք բերված նոր միկրոավտոբուսները երթուղային ցանցում շահագործվում են «Գյումրի ավտոբուս» ՓԲԸ-ի կողմից:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Կ․ Պոլսի Հայոց Պատրիարքը ժամանել է Մայր Աթոռ Սուրբ Էջմիածին

Հաջորդը

Վարազդատ Լալայանը՝ Եվրոպայի չեմպիոն

Առնչվող նյութեր
Դիտել

Գազի գինը Հայաստանում 10 տարի չի բարձրանա

Կառավարությունն այսօրվա նիստում հաստատել է «ՀայՌուսգազարդ» ՓԲԸ–ի առուվաճառքի մասին 2013 թվականին կնքված համաձայնագրում համապատասխան փոփոխություն կատարելու մասին արձանագրության…
Դիտել

Մինչեւ այս տարվա վերջ Հայաստանում կբացվի արբանյակի կառավարման կենտրոն. Ավետ Պողոսյան

«Խաղաղ նպատակներով տիեզերական տարածության հետազոտման եւ օգտագործման ոլորտում համագործակցության մասին Անկախ պետությունների համագործակցության» կոնվենցիայի շրջանակում հնարավորություն կտրվի համագործակցել…
Դիտել

Մակրոնը շեշտել է Ֆրանսիայի աջակցությունը Հայաստանին

Ելիսեյան պալատում տեղի է ունեցել վարչապետ Նիկոլ Փաշինյանի և Ֆրանսիայի նախագահ Էմանուել Մակրոնի հանդիպումը: Այս մասին տեղեկացնում են…
Դիտել

Մեզնից նախորդ 30 տարվա համար փորձելու են վրեժ լուծել․ Փաշինյան

ՀՀ վարչապետ Նիկոլ Փաշինյանը Գյումրիում ՔՊ ակտիվի հետ հանդիպմանն անդրադարձել է հայ-ադրբեջանական հարաբերություններին․ «Հիմա, ինչ-որ առումով, մի շրջան…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share