ՔԺԿ նախագահ Լևոն Շիրինյանի գրառումը.
«Եվ այսպե’ս.
Հայ կոլլաբորացիոնիստների/թշնամու հետ համագործակցողների, Ղարաբաղյան կլանի ու հինգերորդ շարասյան ջանքերով և մեր ոխերիմ բարեկամի`«Լավրովի պլանով» Արցախի հարցը, բայց ո’չ հիմնախնդիրը, լուծվեց։ Հօգուտ կվազի պետություն, Ոսկե Հորդայից ծնունդ, նրա գործիք և դաշնակից Ադրբեջանի։
Վերջակետ։
Այլևս ավելորդ է ու անիմաստ Արցախում ռուսական «խաղաղապահ» կոնտինգենտի ներկայությունը։ Ռուսաստանը ամբողջապես կատարեց իր գենետիկ պարտավորությունները Ադրբեջանի հանդեպ, միաժամանակ գրանցելով դավաճանության աննախադեպ նիշ Հավաքական հայության հանդեպ։
Այսուհետ ռուսական զինված կոնտինգենտի ներկայությունը Ադրբեջանում ստանում է «օկուպացիոն զորքի» կարգավիճակ,
իսկ Հայաստանում ռուսական ամեն կարգի ներկայություն ժամանակավրեպ ու վտանգավոր է, հակասող ՀՀ ազգային հիմնարար շահերին։
Հայաստանն ապրում է ժամանակի ու տարածության գեոքաղաքական նոր չափումներում»,- գրել է ՀԺԿ նախագահ Լևոն Շիրինյանը։