ՔԺԿ նախագահ Լևոն Շիրինյանի գրառումը.
«Հայության դարավոր իղձին ազգային միասնությանը ես չեմ հավատացել ու չեմ հավատում։ Այդ միասնությունը երբեք ձեռք չի բերվել։ Եղել է վարդագույն հույս և թանկ էներգիայի սպառումը։ Ժամանակի կորուստ։ Հայտնի է, որ Թիֆլիսի հայության մի ստվար, հիմնականում հարուստ զանգված դեմ էր Հայաստանի անկախությանն ու կատաղի պայքար էր մղում փաստի դեմ։ Հիմա հարց է՝ մեր օրերում հնարավո՞ր է ազգային միասնություն «Ղարաբաղյան կլանի», ռուսական հինգերորդ շարասյան և բնազդով ապրող ռսաքոծ «արմյաշկի» հետ։
Պետականության ու Հայաստանի, համահավաք հայության հաշվին, անշուշտ։ Բայց դա պե՞տք է Հայաստանին՝ պատասխանեք ինքներդ։
Սակայն, ես հավատում եմ ազգային համախմբմանը շատ որոշակի իդեալի հայության Ազատության ու Հայաստանի Անկախության շուրջ։ Ու այդ հավատով ես և ՔԺԿ- ն գործում ենք ու պայքարում։ Ու օժանդակում եմ, Հայաստանի պատմության ու շրջադարձի այս ծանրագույն, նաև պատասխանատու օրերին, համահավաք հայության Հայրենիքում, թե Սփյուռքում, հ ա մ ա խ մ բ մ ա ն ը Հայոց պետականության ու գործող օրինական իշխանության շուրջ։
Այլ դիրքորոշումը ուղիղ ճանապարհ է դեպի անդունդ, դեպի ազգային – պետական դավաճանություն, դեպի ազգային անէացում։
Լ. Շ.»