Ինչ անել ջրհեհեղի դեպքում. ՆԳՆ փրկարար ծառայությունը հորդորում է հետևել կանոններին

Վարքականոններ ջրհեհեղի դեպքում

Ցամաքի որոշակի տարածքների ժամանակավոր ջրածածկ լինելը կոչվում է ջրհեղեղ:

Ջրհեղեղները կարող են առաջանալ.

  • երկարատև առատ տեղումներից.
  • սառցադաշտերի և ձյան հալոցքի ժամանակ մեծածավալ և կենտրոնացված ջրի հոսքից.
  • ջրամբարների փլուզումներից.
  • հիդրոկայանների պատնեշների ճեղքումից.
  • ծովային փոթորիկներից.
  • ցունամիներից.
  • երկրի մակերևույթ ստորգետնյա ջրերի հանկարծակի ելքից:

✔️Ի՞նչ անել մինչև ջրհեղեղը

  • Միշտ պատրաստ ունեցեք աղետի կապոց:
  • Պատրաստեք ավազով լցված պարկեր:
  • Մաքրեք կոյուղին:
  • Պահեստավորեք խմելու ջրի և սննդի պաշար (մի քանի օրվա համար):
  • Հետևեք ջրաօդերևութաբանական ազդարարման նշաններին:
  • Կապիտալ շինարարություն կազմակերպեք միայն պետական համապատասխան մարմինների թույլտվությամբ:
  • Նախատեսեք փրկարարական միջոցների պահուստներ (փրկարարական օղակ, փրկաբաճկոն և այլն):
  • Անհրաժեշտության դեպքում կահույքը բարձրացրեք ջրի սպասվելիք մակարդակից բարձր:
  • Թունավոր և վտանգավոր նյութերը տեղափոխեք ավելի ապահով տեղ:
  • Ջրհեղեղի սպառնալիքի դեպքում անջատեք գազը, էլեկտրականությունը:
  • Հետևեք տարահանման և ապաստարանի վերաբերյալ տեղեկատվությանը և կառավարման մարմինների ցուցումներին:
  • Իմացեք ձեր բնակավայրի ռելիեֆը և ջրհեղեղի սպառնալիքի դեպքում այնտեղից անվտանգ հեռանալու ճանապարհները:
  • Եթե չեք հասցրել բնակավայրից հեռանալ, ապա տրանսպորտով կամ ոտքով բարձրացեք ձեր բնակավայրին մոտ գտնվող բարձրադիր վայրերը (բլուր, լեռ և այլն):
  • Պատրաստի ունեցեք լուսային ազդանշանային սարքեր:
  • Ամրացրեք այն ամենը, ինչ կարող է լողալ ջրի մեջ (կահույք և այլն):

Ի՞նչ անել ջրհեղեղի ժամանակ

  • Մինչև կառավարման մարմինների համապատասխան ցուցումները մնացեք ապաստարաններում:
  • Աղետի կապոցը թրջվելուց զերծ պահեք:
  • Եթե տանն եք, ապա ոչ մի դեպքում մի օգտվեք կենցաղսպասարկման համակարգերից` երկրորդածին աղետներից խուսափելու համար:
  • Մի փորձեք կտրել-անցնել ջրային հոսքը. 15 սմ խորության ջրի արագ հոսքը վտանգավոր է մարդու համար, իսկ 50 սմ-ը` անանցանելի սովորական մեքենաների համար:
  • Ծանծաղ տեղերն անցնելիս հագեք ջրակայուն պինդ կոշիկներ և օգտվեք ձեռնափայտից:
  • Եթե օգնության կարիք ունեք, ապա տվեք աղետի ազդանշան (խարույկ, բղավոց, կրակոց, դրոշներ, ազդանշան և այլն):

Ի՞նչ անել ջրհեղեղից հետո

Ուշադիր հետախուզեք Ձեր կացարանը`

  • հիմքի ամբողջությունը.
  • պատերի, պատուհանների և հատակի վիճակը.
  • հաղորդակցության համակարգը.
  • թունավոր օձերի հնարավոր առկայությունը.
  • ստուգեք սննդի պիտանելիությունը, սննդամթերքը լվացեք եռացրած ջրով.
  • խմելու ջուրն օգտագործեք սանիտարական ստուգումից կամ եռացնելուց հետո.
  • մի օգտագործեք ջրում հայտնված սննդամթերքը.
  • նախքան հաղորդակցության համակարգերից օգտվելը` ստուգեք դրանց վնասվածության աստիճանը.
  • հաղորդակցության համակարգերի վերանորոգումը վստահեք մասնագետներին.
  • վտանգավոր է մնալ այն տանը, որը վթարային է կամ վստահություն չի ներշնչում.
  • առանց անհրաժեշտության մի մտեք ջրածածկ տարածքներ:
Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Թարմացված տվյալներ աղետի գոտուց

Հաջորդը

Հայաստանում կան փակ ճանապարհներ

Առնչվող նյութեր
Դիտել

ԼՂ-ից բռնի տեղահանվածներին սոցիալական երաշխիքներից օգտվելու հնարավորություն կունենան

ԱԺ արտահերթ նիստում քննարկվեց պետական կենսաթոշակների մասին օրենքում փոփոխությունների նախագիծը։  ՀՀ աշխատանքի և սոցիալական հարցերի նախարար Նարեկ Մկրտչյանը…
Դիտել

Հանրային քննարկման է ներկայացվել ուսուցիչների բարեվարքության կանոնների նախագիծը

ՀՀ կրթության, գիտության, մշակույթի և սպորտի նախարարությունը հանրային քննարկման է ներկայացրել հանրակրթական ուսումնական հաստատությունների կոլեգիալ կառավարման մարմնի` խորհրդի անդամների և…
Դիտել

Ռուս խաղաղապահները հումանիտար օգնություն են անցկացրել Լաչինի միջանցքով

Ադրբեջանական լրատվամիջոցները հայտնում են, որ ռուս խաղաղապահները հումանիտար օգնություն են անցկացրել Լաչինի միջանցքով։  Նշվում է, որ, ըստ ավելի…
Դիտել

Մայր Աթոռի միաբաններն այցելեցին «Եռաբլուր» պանթեոն

Հունվարի 28-ին՝ Հայոց բանակի օրվա կապակցությամբ, Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի օրհնությամբ Մայր Աթոռ…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share