«Մարտական Եղբայրություն» միությունը հայտնում է, որ որևէ առնչություն չունեն Նոր նորքի ոստիկանական բաժանմունքում կատարված պայթյունի հետ։
«Մարտական Եղբայրություն» միությունը ՀԱՅՏԱՐԱՐՈՒԹՅՈՒՆ
«Մարտական եղբայրությունը որևէ կազմակերպության հետ չունի համագործակցային հարաբերություններ և որևէ միջոցառում չի իրականացնում համատեղության սկզբունքով։
Մենք մեր միջոցառումների մասին իրազեկում ենք միաբանությանը պատկանող ֆեյսբուքյան,յութուբյան և տելեգրամյան ալիքների միջոցով։
Դեմ ենք բռնության խոսքին և քարոզին,գործում ենք ՀՀ օրենսդրության շրջանակների մեջ և հանդիսանում ենք օրինակելի քաղաքացիներ», – նշված է միության տարածած հայտարարությունում։
Հիշեցնենք՝ այսօր վաղ առավոտ 49 անձինք՝ «Մարտական Եղբայրություն» միության անդամները և աջակիցները, ձերբակալվել էին ապօրինի զենք-զինամթերք կրելու և պահելու կասկածանքով։ Թեև ոստիկանությունը ձերբակալման հիմքում դրել էր ապօրինի զենք-զինամթերք կրելը և պահելը, «Մարտական Եղբայրություն» միությունը պնդում էր, որ հիմնական պատճառը միության անդամերի կողմից Վերին Ոսկեպար պլանավորած այցն է։
Այժմ ձերբակալված բոլոր 49 անձինք ազատ են արձակվել, քանի որ նրանց մոտից զենք և ռազմամթերք չի հայտնաբերվել։
Այս իրադարձություններին զուգահեռ այսօր ժամը 17։00-ի սահմաններում 3 քաղաքացի զինված փորձել էին ներխուժել ՆԳՆ ոստիկանության Նոր Նորքի բաժնի վարչական շենք, գործադրել էին նռնակ, ինչի հետևանքով ներխուժող անձանցից 2-ը վիրավորվել էին և տեղափոխվել բուժհաստատություն։ Ավելի ուշ վնասազերծվել էր նաև երրորդ քաղաքացին։