44-օրյա պատերազմից հետո ԵԿՄ-ն Հայաստանի սահմաններն է պահում. այս մասին այսօր Եռաբլուրում լրագրողների հետ ճեպազրույցում ասաց ԵԿՄ նախագահ Սասուն Միքայելյանը` նշելով, որ իրենք իրենց գործ են անում. «Այն ինչ սկսել է սպարապետը, մենք շարունակում ենք»։
Դիմելով ժողովրդին Միքայելյանն ասաց, որ աշխարհաքաղաքական իրավիճակում պետք է համախմբված լինենք, որպեսզի հետագայում ավելի մեծ դժվարությունների չհանդիպենք։
Միքայելյանն անդրադարձավ Բաքվում գտնվող գերիներին նշելով, որ այսօր ԼՂ նախկին նախագահներy, ՊԲ նախկին հրամանատարը, նաև այլ անձինք գերեվարված են. «Ես չեմ ուզում քաղաքականացնել, բայց եկեք հասկանանք, որ այսօր այնտեղ այն անձիք են, ովքեր 100 տոկոսով վստահում էին ռուսներին. պարզ ասեմ»։
ԵԿՄ նախագահը հարց է բարձրացնում՝ ռուսները մի՞թե չէին կարող նրանց Հայաստան բերել. «Ես իմ տեսանկյունից եմ խոսում՝ որպես Սասուն Միքայելյան։ Եվ այս տարիների ընթացքում՝ պատերազմից հետո, մենք լինելով ՀԱՊԿ անդամ, մեզ համար ի՞նչ արեցին։ Նարկոզը տվել են ու վեց տարի մեզ փրթում են ռուսները: Դա էլ ձեզ պարզ ապացույց, որ մեր երկրի երեք նախագահները գերեվարված են թշնամու կողմից և այդ տարածաշրջանի խաղաղապահ ուժերը ռուսական ուժերն են: Խաղաղապահ ուժերն ի՞նչ պետք է անեն, սահման է, եթե հայն անցնի էն կողմ, պետք է խփեն, եթե թուրքն անցնի, պետք է խփեն», – ասաց Սասուն Միքայելյանը:
