Այսօր նոյեմբերի 10-ին Բրյուսելում կայացել է «Հայաստանի ռազմավարական ապագան. ՀՀ-Եվրոպա» համաժողովը:
« Մենք բազմիցս ասել ենք, որ պատրաստ ենք Բրյուսելում եռակողմ հանդիպմանը: Առաջնորդների մակարդակով կար պլանավորված հանդիպում հոկտեմբերի վերջին: Հայաստանը պատրաստակամություն էր հայտնել գալ այդ հանդիպմանը, բայց ցավոք այդ հանդիպումը տեղի չի ունեցել, մենք հույս ունենք, որ մոտ ապագայում դա հնարավոր կլինի և պատրաստ ենք գալ խաղաղության»-, ասել է ՀՀ ԱԽ քարտուղար Արմեն Գրիգորյանը՝ Բրյուսելում «Հայաստանի ռազմավարական ապագան. ՀՀ-Եվրոպա» համաժողովին:
Նա նաև կարևորեց, որ 2021 թվականի ընտրություններին եկել են խաղաղության օրակարգով և խաղաղության հաստատման համար մանդատ են ստացել:
«Մենք պատրաստ ենք խաղաղության: Ուզում ենք, որ հրապարակային հաստատվի 29.800 կմ² ՀՀ-ն և 86.600 կմ² Ադրբեջանի տարածքը, ապաշրջափակումը տեղի ունենա 4 սկզբունքների հիման վրա՝ սուվերենության, իրավազորության, փոխադարձության և հավասարության»,- ասաց Արմեն Գրիգորյանը :
ՀՀ-ն այս օրակարգով պատրաստ է շարունակել բանակցությունները և դրանք ավարտինն հասցնել, լուծել բոլոր հումանիտար խնդիրները, բոլոր գերիներին վերադարձնել, գնալ Բրյուսել և կնքել խաղաղության պայմանագիր:
