Էկոնոմիկայի նախկին նախարար Վահան Քերոբյանի համար որպես խափանման միջոց է ընտրվել տնային կալանքը՝ 2 ամիս ժամկետով. հակակոռուպցիոն դատարանը բավարարել է նախաքննական մարմնի միջնորդությունը։
Հիշեցնենք՝ էկոնոմիկայի նախարարությունում բացահայտված չարաշահումների գործով մեղադրանք է առաջադրվել նաև նախկին նախարարին։ Այս գործով որպես մեղադրյալ անցնում է նաև նախկին փոխնախարար Անի Իսպիրյանը, որը ևս տնային կալանքի տակ է։
Դատարանի որոշմամբ, Քերոբյանին արգելված է հեռախոսային խոսակցությունները՝ բացառությամբ շտապ բժշկական օգնության, իրավապահ մարմինների կամ արտակարգ իրավիճակներում փրկարար ծառայություն կանչելու, ինչպես նաև վերահսկողություն իրականացնող մարմնի հետ կապ հաստատելու դեպքում։ Նրան արգելված է նաև նամակագրությունը, հաղորդակցության այլ ձևերից օգտվելը։
Վահան Քերոբյանը լրագրողներին հայտնել է, որ իրենք կբողոքարկեն որոշումը։