«Արդեն երևի ծանոթացաք Եվրոպական խորհրդի նախագահ Շառլ Միշելի հայտարարությանը, որ հաջորդ հանդիպումը տեղի կունենա Բրյուսելում։ Այնուհետև Մոսկվայում կշարունակվի նույպես եռակողմ ձևաչափով». այս մասին «Հաղթանակ» զբոսայգում լրագրողների հետ ճեպազրույցի ընթացքում հայտարարել է ՀՀ արտաքին գործերի փոխնախարար Պարույր Հովհաննիսյանը՝ պատասխանելով այն հարցին, թե ինչ առաջընթաց կա ԱՄՆ միջնորդությամբ իրականացված բանակցություններից հետո։
«Բանակցությունները 4 օր տևեցին և աննախադեպ էր այդ առումով։ Ոչ ոք չէր ակնկալում հրաշքներ, միանգամից բոլոր խնդիրների լուծում։ Աշխատանքը շարունակվելու է»,- հայտարարել է ՀՀ ԱԳ փոխնախարարը։
