Ադրբեջանի ԱԳՆ-ից հայտարարել են, որ Բաքուն կողմ է հանդես գալիս Հայաստանի հետ սահմանին տիրող իրավիճակի շուրջ բանակցություններին: Այս մասին հայտնում է РИА Новости-ն հղում անելով իր տրամադրության տակ հայտնված Ադրբեջանի գերատեսչության հայտարարությանը:
Նախարարությունը նաև ընդգծել է, որ իրենք աջակցում են միջազգային հանրության կոչերը՝ դելիմիտացիայի և դեմարկացիայի ուղղությամբ:
«Ադրբեջանի սահմանները խախտելու փորձերն անընդունելի են: Հայաստանը պետք է զերծ մնա երկու երկրների սահմանին լարվածության բարձրացմանն ուղղված գործողություններից և հարգի հարևան պետության սահմանները», – ասված է Ադրբեջանի ԱԳՆ հայտարարության մեջ:
Ավելի վաղ Ադրբեջանի Պաշտպանության նախարարությունը հայտարարել էր վեց հայ զինծառայողի կողմից երկրի սահմանը հատելու փորձի մասին: Հայաստանի Պաշտպանության նախարարությունը հաստատել է Գեղարքունիքի մարզում՝ Ադրբեջանի սահմանի մոտակայքում, վեց հայ զինվորների «գերեվարումը»: Հայաստանի վարչապետի պաշտոնակատար Նիկոլ Փաշինյանը նախօրեին հայտարարել էր, որ Ադրբեջանը փորձում է ռազմական բախում հրահրել և միջանցք ստեղծել Նախիջևան հայկական տարածքում
