Ալիևը օգտվելով Փաշինյանի թուլությունից՝ փորձում է որքան հնարավոր է շատ բան կորզել նրանից․ Լեւոն Տեր Պետրոսյան

Ալիևը համոզված է, որ ՀՀ գործող իշխանությունը չի հաղթելու առաջիկա ընտրություններում, և օգտվելով նրա թուլությունից՝ փորձում է որքան հնարավոր է շատ բան կորզել նրանից: Այս մասին ՀՀ առաջին նախագահ, Հայ ազգային կոնգրեսի առաջնորդ Լևոն Տեր-Պետրոսյանն ասաց Հանրային հեռուստաընկերության եթերում։ Լևոն Տեր-Պետրոսյանի կարծիքով Ադրբեջանում պահվող հայ գերիների հարցով բացի քաղաքական, խնդրից կա նաև հոգեբանական խնդիր։

«Հոգեբանականն արդեն 30 տարի Ադրբեջանի նվաստացած վիճակն էր: Պարտությունը ծանր բեռ է, մենք նոր ենք պարտվել և դուք զգում եք, թե ինչպիսի հոգեբանական վիճակ է տիրում: 30 տարի, փաստորեն, նրանք պարտված էին ու ծանր հոգեբանական վիճակում էին, նույն բանը, ինչը հայ ժողովուրդն այսօր պահանջում է Նիկոլից, Ադրբեջանի ժողովուրդը տարիներ շարունակ պահանջում էր: Հաղթանակից հետո չեմ հասկանում, թե Ադրբեջանն ինչու է այսպիսի գործողությունների գնում: Հաղթող կողմը, սովորաբար, լինում է մեծահոգի, հաղթողը չի ատում պարտվածին, պարտվածն է ատում հաղթողին. սա պիտի աներ Ալիևը, չարեց»,- ասաց նա:

ՀՀ առաջին նախագահը հիշեցրեց, որ Արցախյան առաջին պատերազմում հայկական կողմի հաղթանակից հետո, երբ երկու կողմն էլ գերիներ ունեին, ինքը միակողմանի որոշել էր, որ Ադրբեջանի գերիներին պետք է վերադարձնի:

«Իմ կողքին Վազգեն Սարգսյանն էր, Սերժ Սարգսյանն էր, ասացին՝ որ իրենք չեն տա, ասացի՝ հանգիստ մնացեք, ես Հեյդար Ալիևին գիտեմ, նույն օդանավով մեր գերիները վերադարձան: Ձեր հարցին ես պատասխանեցի, ուրիշ ավելացնելու բան չունեմ»,- ասաց Լևոն Տեր- Պետրոսյանը:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

ՀՀ սահմանային բնակիչների իրավունքները չեն կարող տասնյակ տարիներով մնալ խախտված. Արման Թաթոյան

Հաջորդը

ԱՄՆ Հայաստանին եւ Ադրբեջանին հորդորում է հնարավորին կերպով արագ վերադառնալ առարկայական բանակցությունների

Առնչվող նյութեր
Դիտել

Սա բացառիկ հնարավորություն է 3+3 ձևաչափը մերժելու համար. Արամ Սարգսյան

«Հանրապետություն» կուսակցության ղեկավար, ՀՀ նախկին վարչապետ Արամ Սարգսյանն անդրադարձել է ժողովրդավարության հարցերով համաժողովին, որն անցկացվելու է Վաշինգտոնում եւ…
Դիտել

Արարատ Միրզոյանի աշխատանքային այցով կմեկնի Վաշինգտոն

ՀՀ արտաքին գործերի նախարար Արարատ Միրզոյանն ապրիլի 30-ից աշխատանքային այցով կգտնվի ԱՄՆ մայրաքաղաք Վաշինգտոնում: Նախատեսված է անցկացնել Հայաստանի…
Դիտել

Երևանի տրանսպորտային պարկը կհամալրվի ևս 100 նոր ավտոբուսով

Հաշվի առնելով քաղաքային տրանսպորտում 100 դրամանոց մետաղադրամների մեծ պահանջարկը` այսօրվանից համայնքային բոլոր նոր ավտոբուսների և միկրոավտոբուսների վարորդներն իրենց…
Դիտել

Նիկոլ Փաշինյանը շնորհավորական ուղերձներ է հղել Վրաստանի նախագահին և վարչապետին

Վարչապետ Նիկոլ Փաշինյանը շնորհավորական ուղերձներ է հղել Վրաստանի նախագահ Սալոմե Զուրաբիշվիլիին և վարչապետ Իրակլի Ղարիբաշվիլիին՝ Պետական անկախության վերականգնման…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share